Plök 't gelök vaan alle daog
Dat moot uuch toch wel lökke
Zit neet mèt zörg in de maog
Want mörrege zit geer mèt de stökke
Mèt 'ne lach op ut geziech
Of e maske op de kop
Daan weurt 't de sjoensten daag veur miech
Dat steit veur miech veurop

Gelök dat is neet te betaole
De moos dao get veur doen
Op stap goon mèt de Vastelaovend
Want die drei daog zien zoe sjoen
Geneet vaan die mominte
Vaan 't fees en ut plezeer
Dat zien de sjoenste winse
En die winse veer us zoe geer
(En die winse veer uuch ouch geer)

Zit alles tege en niks mèt
En veulste diech neet lekker
Steit veul mezerie in de gezèt
Of baalste wie 'ne stekker
Luuster daan ins naor de meziek
Daovaan knapste zeker op
De veuls diech daan gans d'n hiemel te riek
En de kumps weer boven d'rop